Вопрос-ответ Задать вопрос

Тиэргэним иһигэр баар бары тутууга (тэпилииссэ, хотон, баанньык, парник, душ уо.д.а) нолуок төлөнөр дуо? Ити ааҕыллыбыттар холбоон уопсай кв. миэтэрэлэрэ 50 буоллаҕына, нолуок төлөммөт дииллэр. Онтон үрдүк буоллаҕына, төлүүгүт дииллэр. Ол сөп дуо?

(Вопрос поступил: 2018-04-24 13:15)

Бас билэр тиэргэнин иһигэр баар бары хаһаайыстыбаннай тутууларга нолуок төлөнөр диэн сыыһа иһитиннэрии киэҥник тарҕаммыт. Онуоха Россия Федерациятын Үбүн министиэристибэтин быһаарыытыгар олоҕуран, маннык этэбит:

Россия Федерациятын Нолуок Кодексын 401-с ыстатыйатыгар олоҕуран, билигин маннык тутууларга нолуок төлөнөр:

1)      олорор дьиэ;

2)      квартира, хос;

3)      гараас, массыына уурар миэстэ;

4)      ситэ тутуллубатах эбийиэк;

6)      атын араас тутуулар.

 

Ол эбэтэр, 50 кв. миэтэрэттэн улахан иэннээх хапытаалынай тутуу бас билэр туһунан регистрацияламмыт түгэнигэр биирдэ нолуок төлөнөр. Өскөтүн тутуу 50 кв. миэтэрэттэн кыра иэннээх буоллаҕына – баанньык, ампаар, тэпилииссэ – нолуок төлөммөт. Холобур, хапытаалынайдык тутуллубут баанньык 45 кв. миэтэрэ иэннээх буоллаҕына, нолуок төлөммөт. Хаһаайын көрүллэр чэпчэтиинэн туһаныан баҕарарын туһунан сайабылыанньа суруйа нолуогабай уоргаҥҥа тиийиэхтээх. Чэпчэтиинэн туһанар туһунан нолуогабай инспекцияҕа ыам ыйын 1 күнүгэр диэри биллэриллиэхтээх. Сайабылыанньа суох буоллаҕына, ФНС нолуогу ааҕа олорор. Оттон сайабылыанньа суруллубутун кэнниттэн, кэнники үс сылга ааҕыллыбыт нолуогу сотторуохха сөп. Итинник чэпчэтии биир эрэ хаһаайыстыбаннай тутууга көрүллэр (урбаан хайысхатыгар туттуллубат буолуохтаах).

ЕГРН (Биир кэлим судаарыстыбаннай хамсаабат баай реестригэр) регистрацияламмат сорох тутуулар (тэпилииссэ, хаһаайыстыбаннай булуок, сарай, капитальнай тутууга киирсибэт тутуу, быстах кэмнээх тутуулар уо.д.а.) нолуогтамматтар, нолуогтанар эбийиэктэр ахсааннарыгар киирбэттэр. 

Нолуогабай чэпчэтии испииһэгин сиһилии ФНС туһааннаах сайтыгар www.nalog.ru киирэн көрүөххэ сөп.

(На вопрос ответили: 2018-04-25 10:15)